Bale ikusezina

Oteitza, bere itxura garbiarekin eta bere komunitate-arimarekin, tradizioak eta modernitatea modu harmoniatsuan uztartzen dituen lekua da. Txoko xarmagarri honetako biztanleak ezagutzeko aukera izan ondoren, ideia batek hartu du indar: “herrigintzarako”, loturak estutzeko eta harremanak sendotzeko modurik onena tokiko elkarte guztiak biltzea eta beste erronka bat proposatzea da; lagun ikusezina. Baina hau ez da edozein lagun ikusezin, materialaz haratago doana baizik. Objektuak trukatu beharrean, jolas honen benetako mamia denbora, dedikazioa eta erkidegoa tartean hartuko dituzten ekintzak partekatzea izanen da. Joko horri “balea ikusezina” deitu diogu, Oteitzako biztanleei “bale-arrantzale” goitizenez deitzen baitzaie, herrian denboran iraun duen kondaira batengatik. 

Xedea duen bale ikusezina:

Dinamika xaloa da, baina eragin izugarria izan daiteke. Parte hartzen duen elkarte bakoitzak Oteitzaren beste elkarte baten izena jasoko du, baina oso baldintza berezi batekin: emanen duten oparia ezin da ukigarria izan, denbora behar duen eta elkarrekin partekatzea eskatzen duen ekintza bat baizik.

Balea ikusezin honen atzean dagoen ideia ez da soilik harridura sustatzea, pertsonak hurbilagotik eta sakonago ezagutzeko aukerak sortzea baizik. Zer hobeagorik denbora partekatzea, elkarrengandik ikastea eta komunitateari modu berdingabean laguntzea dakarten ekintzekin baino?

Zer opari-mota eskain daitezke?

Aukerak mugagabeak dira eta elkarte bakoitzaren sormenaren araberakoak izanen dira. Sor litezkeen ideia batzuk:

Lankidetzan jarduteko lantegiak: elkarte batek musika badu ardatz, zergatik ez eskaini perkusio edo kantu lantegi bat beste elkarte bati? Opari-mota horrek aukera ematen du herriko hainbat sektore hurbiltzeko eta zerbait berria ikasteko.

Lankidetzan aritzeko jardunaldiak: ekintza xumea bat, non beste elkarte bat prestatzen ari den ekitaldi edo jarduera baten antolaketan laguntza ematen zaion. Elkarri laguntzeak beti indartzen ditu harremanak.

Bizikidetzako egunak: elkartrukerako jardunaldi bat proposatzea. Horretan, bi elkarteek jarduera bateratu batean parte hartuko dute; besteak beste, mendi-ibilaldi batean, garbiketa komunitario batean edo jolasetarako arratsalde batean.

Solasaldiak eta lekukotasunak: elkarte batek gai jakin batean esperientzia badu, hitzaldi bat edo prestakuntza-saio bat eskain liezaioke beste elkarte bati, bere ezagutzak eta esperientziak partekatuz.

Laguntza gizarte-proiektutan: sarri, elkarteek beren proiektu propioetan jartzen dute arreta. Aintzat hartzeko moduko oparia izan liteke beste elkarte bati bere ekimenetan aurrera egiten laguntzeko denbora ematea.

Denbora partekatzearen balioa

Gero eta materialistagoa den mundu honetan, balea ikusezin honek gogora dakarkigu gure denbora dela eskain dezakegun gauzarik baliotsuena. Eta denbora hori gure erkidegoan inbertitzen dugunean, inguratzen gaituzten pertsonak hobeto ezagutzen, edozein objektuz haratago dagoen zerbait eraikitzen ari gara: nonbaiteko kide izatearen zentzua, laguntza eta lankidetza sortzen ari gara; horrek “herrigintza” zer den definitzen du.

Gainera, opari materialen ordez ekintzak aukeratzean, sormena, elkartasuna eta, batez ere, adiskidetasuna bultzatzen ari gara. Keinu bakoitza, partekatutako ordu bakoitza, Oteitzaren bizitza komunitarioan egindako inbertsio bat izanen da, elkarteen arteko bizikidetza eta errespetua sustatzeko.

Etorkizun batuagoa

Balea ikusezina ez da soilik beste jarduera bat, Oteitzak erkidego sutsua, konprometitua eta elkarri laguntzeko prest dagoen erkidegoa dela erakusteko aukera bat baizik. Esperientzia amaitzean, benetako oparia elkarteen eta, beraz, biztanle guztien arteko lotura sakonagoa izanen da.

Herrigintzaren magia jendearen batasunean ardazten da. Denbora, ahalegina eta maitasuna emanez, ziur gaude lagun ikusezin honek une ahaztezinak ekarriko dituela, barre partekatuak eta, batez ere, herri oraindik ere batuagoa eta indartsuagoa.

Eta zuk, zer ekintza oparituko zenuke balea ikusezinaren parte bazina?