Cultura contemporánea y ruralidad

Erriberriko merindadean dago, Arga ibaiaren ertzean. Nekazaritzak jarduera garrantzitsua izaten jarraitzen du han. 2.300 biztanleetatik asko sartu dira komunitatean, gutxika, azken urteotan. Herritarren parte-hartzea da egungo udal-politikaren ardatzetako bat, bereziki gizarte- eta kultura-eremuan.

Faltzes

 

ITSASO IRIBARREN, GERMÁN DE LA RIVA

Artistak eta ikertzaileak. Hamabost urte daramatzate elkarlanean. Arte-sorkuntzan dute bereziki interesa, baita hartan sortzen diren ikerketa-prozesuetan ere. Beren lanek gai hauek jorratzen dituzte, besteak beste: dantzaren historia, lan- eta familia-harremanak, eta gorputzaren eta makinaren arteko elkarrizketa.

Hainbat sari jaso dituzte: Iruñeko Udala (2018), Teatro Circo Price Madril (2014) eta Nafarroako Gobernua (2009). Espazio nazionaletan zein internazionaletan aurkeztu dituzte piezak, hala nola hauetan: Matadero Madrid, La Granerie Toulouse, Artpark New York eta Centro Cultural de Buenos Aires.

Prestakuntzari dagokionez, ikasketa akademikoak egin dituzte hainbat unibertsitatetan, hala nola Bilbo, Londres, Buenos Aires, Madril eta Cuencakoetan, eta dantzako ikasketak ere, Eugenia Estevez, Idoia Zabaleta, Matxalen Bilbao, Simone Forti eta Silvia Mamana maisuekin, besteak beste. Gaur egun, doktoretza-ikerketa bana egiten ari dira Cuencako Arte Ederren Fakultatean (UCLM), non Itsaso irakasle aritzen baita.

ESKU-HARTZE ARTISTIKOA: Faltzes soinuduna

Faltzes soinuduna arteei buruzko ikerketa-proiektua herrira soinuaren bidez hurbiltzeko modu bat da.

Proposamenak Germánek eta Itsasok Faltzesera egiten dituzten bisitetan izaten ari diren topaketa, pentsamendu eta gogoetetatik sortutako soinu-giro bat sortu nahi du.

Interesa duten guztiek entzuteko eta parte hartzeko aukera ematen duen sorkuntza-prozesu bat.

 Haren hasiera gisa, testu batzuk idazten ari gara herrian egiten ditugun elkarrizketa eta praktiketatik abiatuta.

 Testu horiek Landarteren blogean irakur daitezke.

September 8, 2022

Faltzes soinuduna / 2022.09.09

PROIEKTUA: Faltzesko soinuak

EGUNA ETA ORDUA:  Irailak 9, ostirala – 19:30ean

IRTEERA:  Udaletxeko plaza

IRAUPENA: 30 minutu, gutxi gorabehera

ARTISTAK: Itsaso Iribarren & German de la Riva

DESKRIBAPENA: ‘Faltzesko soinuak’ arteen inguruko ikerketa-proiektua herriarekiko topaketa bat da, soinu- eta testu-sorkuntzaren bitartez egina. Oraingo honetan, hitzak sortzen jarraituko dugu, ibiliz eta entzunez. Faltzesen grabatutako soinu-giro batzuk partekatuko ditugu, herriko bideetatik eta kaleetatik paseo bat emango dugun bitartean.

Dinamika parte-hartzailea, bertan bizi direnek herriari beste begi batzuekin begiratu nahi dioten guztiei zabalik.

Jarrai gaitzazu gure blogan...