Urbasa eta Lokiz mendilerroen artean kokatuta dago. Ibarrean nekazaritza- eta basogintza-jarduera tradizionalenak (abeltzaintza estentsiboa, gazta-ekoizpena, zura) eta turismo-sektore oso dinamiko bat uztartzen dira. Haranak oso garrantzi berezia du, Urbasako natura-baliabideen aprobetxamenduak historikoki eta gaur egun duen garrantzia islatzen duena: Ameskoako Herri Mendiko batzarra, herri-lurren erakunde bat da. Lurralde horren kudeaketa egokia zaintzeaz gain, beste gizarte- eta kultura-ekimen batzuk dinamizatzeaz eta antolatzeaz arduratzen da.
Ameskoa
Aurkezpen bideoa ikusi
AIZPEA DE ATXA
(Iruña, 1998)
Iruña, 1998.
Artean graduduna UPV/EHUn, Sorkuntza Zinematografikoko postgradua ikasi zuen Elias Querejeta Zine Eskolan. Zinema Ilegalaren XI edizioko koordinatzailea izan zen Bulegoa z/b-en Akane Saraivarekin bateraeta 72-22ko Iruñeko Topaketen “Topaketen Memoria”etako bat egin du.
2019an Eusko Ikaskuntza-Laboral Kutxa Gazte Saria jaso zuen eta bere lana ikusgai izan da besteak-beste: Le Larraskito Klubean, X hau ezda okupatzen… erakusketan (Uholdeak, Uharte Zentroa), 72-22
Iruñeko topaketetako Iruñeko Topaketak. Abiapuntu, helmuga, aurkari jardunaldietan (Nafarroako Museoa, NUP) eta Nafarroako Arte Gazte Topaketetan (2017-2022).
ESKU-HARTZE ARTISTIKOA: Mendiak
Mendiak lurraldera hurbiltzeko ahalegin sakonagoa izan da. Soinuaren eta marrazketa- eta argazki-ariketa txikien bidez, Ameskoabarrengo biztanleek eskualdea inguratzen duten bi mendilerroekin duten harremana ulertu nahi izan dut: Urbasa eta Lokiz. Landutako beste gai batzuk izan dira paisaia (begiratoki batetik lortutako irudirik ez eraikitzeaz arduratuta) eta mugak (lurraldekoak, kudeaketakoak eta erregularizaziokoak). Horiez gain, topaketa pribatu txikien bidez, “mendia eraikitzea” dei nezakeen zerbait ezagutu ahal izan dut.
