Aurkezpen bideoa ikusi
ITSASO JIMÉNEZ IRIBARREN
Hezitzailea eta ikusizko artista (1993). Bere lan-ildoak arte garaikidea eta lanbideak dira, zeharkako ikaskuntzarako eta gizarte-aldaketarako tresna eragile gisa, pedagogia kritiko batetik eta artisautzak “eginez ikasteko” erreskatetik abiatuta. Derrigorrezko Bigarren Hezkuntzako plastika- eta ikus-hezkuntzako irakasle dihardu, eta duela 3 urtetik hona bere arte- eta hezkuntza-proiektua lantzen dihardu: “Compañía de Oficios” (“Ogibideen konpainia”).
Sorkuntzan eta diseinuan graduatua da Euskal Herriko Unibertsitatean, Arte Aplikatu Garaikideetan graduatu ondokoa da Bartzelonako Escola Massanan eta Artea eta Hezkuntza masterra du Bartzelonako Unibertsitatean.
ESKU-HARTZE ARTISTIKOA: Ibaiari begira
“Ibaiari begira” Berbintzanan burututako proiektuaren izenburua izan da. Lantegi-ziklo honen ardatz tematikoa bizilagunak kezkatzen dituen gai bati buruzkoa da: Arga ibaiari buruzkoa. Gai horri buruz berriz pentsatzeko helburuarekin, hiru lantegi-bloke antolatu ziren, hiru gai desberdin ardatz hartuta: ingurumena, historia eta tokiko elikagai-ekoizpena. Horiek diseinatzeko eta gauzatzeko, lau eragile gonbidatu izan ziren. Ana Laura Duarte, Cristian Soto, Maria Navascues eta Peio Lekunberri.
Topaketa horiek “Las Eretas” izeneko arkeologia-museo eta herriko gizarte-etxean egin ziren, eta, ondorioz, museoa aktibatzeko eta parte hartzeko modu berriak sortu ziren.
