Landarte 2024

Landarte Nafarroako Gobernuko Kultura eta Kirol Departamentuko Vianako Printzea Erakundea-Kultura Zuzendaritza Nagusiaren apustua da, landa-eremuko biztanleen arazo, behar eta interesekiko sentikorra den arte publikoaren alde. Landa-eremutik sorkuntza garaikidea errazten duen programa gisa konfiguratu da, non sorkuntza egiteko modua egiten dena bezain garrantzitsua baita.

Landarte koordenatu hauetan mugitzen da: kultura-sorkuntza garaikideko prozesuak sustatzen ditu, sortzaileekin batera ezagutza eta esperientziak elkarrekin sortzeko eta gogoeta egiteko prozesuan parte hartzen duten landa-komunitateekin; elkarrizketan aritzeko, ikasteko eta partekatzeko sare bat sortu nahi da, ingurumenaren, gizartearen eta ekonomiaren ikuspegitik sostengagarriak diren moduei inguruko programa etiko bat txertatuz.

Aurkezpen bideoa ikusi

 

Honako hauek dira programaren helburuak:

• Landa-komunitateen ahalduntzea sustatzea, kultura garaikide, konprometitua eta bere garaiarekin lotura izanen duen kulturaren bidez, lurraldetik eta bertako jendearengandik hurbil.

• Landa-eremuan kultura-ekintzako esperientziak gainditzea, eskuarki adiera tradizional eta ilustratuenean sartzeari begira (prestazio-errotik eta ondarearekin, jaialdiarekin, ekitaldiarekin eta turismoarekin identifikatuta). Landartek emaitzak lortu nahi ditu, baina garrantzitsua da prozesuaren garrantzia nabarmentzea eta hori zaintzea.

• Komunitateen autonomia eta erabakitzeko ahalmena zabalduko duen eta elkarrizketa erreala eta bere lurraldearekin, kultura-ondare immaterialarekin, bizimoduak besterentzearekin, iruditeria kolektiboarekin, besteak beste, harreman zuzena eta intimoa ezarriko duen kultura-ekintza sustatzea.

• Programa honek ahal duen neurrian, kultura-sektorea profesionalizatzen laguntzea, eta sektoreak bere begirada landa-eremura egokitzea; alegia, sormen-prozesuek landa-eremuetako herritarrei ahotsa ematea (enpatiaren bidez), beren ezagutzak balioestea eta kultura-proiektu batean jarduteko gaitasuna mobilizatzea.