Aragoi ibaiaren ibarreko lur emankorren eta Izko mendilerroaren artean dago, eta Zangozako herri jendetsuenetako bat da Aibar. Erdi Aroko trazadura duen herria da, Aragoi haranaren gaineko mendi-mazela txiki baten maldan hedatzen dena. Bertako kaleetan, askotan, bizilagunek interpretatutako musika entzuten da. Musikarien herri honek, bere pasioaz haratago, bizitza kultural eta sozial askoz ere anitzagoa animatzen eta protagonizatzen du, eta horretan esku hartzen dute antzerkiak, irakurketak, jai tradizionalek, kirolak edo ondarearen zaintzak.
Oibar
Aurkezpen bideoa ikusi
PERU GALBETE
Batez ere ahotsa eta irudiarekin egiten du lan, batzuetan bakoitza bere aldetik eta beste batzuetan elkar erlazionatuz. Ahots esperimentazioa, inprobisazioa eta performancea ditu interesgune, eta pieza indibidualak naiz kolektiboak sortu ditu. Peruk lantzen du baita ere bere artelana inguratzen duen iruditeria, izan musika, diseinua, marrazkiak, poesiak edo bideoak.
Lau musika album argitaratu ditu orain arte, bigarrena (Voces de la Selva, 2017) osoki Boliviako basoan sortu eta grabatua, hirugarren diskoa (Nor Zara Zu?, 2020) liburuxka ilustratu formatuan argitaratu zena eta azkenak Beiratu (2022) du izena. Zineari dagokionez, bi film labur estreinatu ditu Punto de Vista zine jaialdian, azkenekoa 2023 urteko sail ofizialean. Bestetik, Uraren Oldea kontzertu musikal-bisual berezia ere sortu du Uharteko Zentroan, zuzeneko honetan irudia eta soinua era bateratuan lantzen ditu.
