La Comunidad taldeko artistek proiektu bat gauzatu zuten, zenbait ekintzaren bidez bertako lurraldeko zenbait elementu erabiliz: besteak beste, eztia, ezkurrak eta San Gregorioren burua. Santu horrek ura arazten zuen, gero likido horrekin soroak izurrietatik babesteko. La Comunidad taldeak egindako ikerketa prozesuak zenbait emaitza izan zituen, hala nola eztian eta ezkurrean oinarritzen den errezeta-liburua, mota guztietako izurriak uxatzeko ekintza errituala, santuaren buruaren argizarizko erreprodukzioa…